शारीरिक सुगठनका बिजयी खेलाडीलाई सम्मान गरिने

राखेप/एनओसी

Home
राखेप/एनओसी
शारीरिक सुगठनका बिजयी खेलाडीलाई सम्मान गरिने

2076-04-9 शारीरिक सुगठनका बिजयी खेलाडीलाई सम्मान गरिने

खेलकुद मञ्‍च 2076-04-9

काठमाडौं, साउन ९ । काठमाडौंमा साउन ४ गते सम्पन्न South Asian Bodybuilding & Physique Sports Championship 2019 मा राष्ट्रको शिर उच्च राख्न सफल पदक विजेता खेलाडीहरुलाई नेपाल शारीरिक सुगठन तथा फिटनेश संघका अध्यक्ष राजेश बाबु श्रेष्ठले व्यक्तिगत रुपमा सम्मान गर्ने भएका छन् । संघले एक बिज्ञप्ती जारी गर्दै संघका अध्यक्षको तर्फबाट उक्त च्याम्पियनसिपमा स्वर्ण हात पार्नेलाई नगद ५० हजार, रजतलाई नगद ३० हजार र कास्यलाई नगद २० हजार प्रदान गर्ने निर्णय भएको जानकारी गराएको हो ।

१८ विधामा प्रतिस्पर्धा गराईएको च्याम्पियनसिपमा नेपालले भारतलाई पछि पार्दै तीन स्वर्ण सात रजत र छ कास्य जितेको थियो । टिम च्याम्पियन भने अफगानिस्तान भएको थियो । त्यस्तै, Thailand BodyBuilding & Physique Sports Association को आयोजनामा श्रावण ३१ देखि भाद्र १ गते सम्म थाइल्याण्डको बैंककमा हुने Asia Pacific Bodybuilding Championships 2019 मा नेपालले १२औँ South Asian Bodybuilding & Physique Sports Championship 2019 मा बिजयी तीन खेलाडी र एक अफिसियललाई समावेश गराउने निर्णय गरिएको पनि बिज्ञप्तीमा जनाइएको छ ।

उक्त च्याम्पियनसिपमा नेपालका समिर श्रेष्ठले सिनियर तर्फ ६५ केजीमा स्वर्ण हात पारेका थिए । नरेश मुनिकारले एक सय ६७ सेमिमाथिको पुरुष एथलेटिक्स फिजिकमा तथा मल्लिका शाक्यले महिला मोडल फिजिकमा स्वर्ण हात पारेका थिए । उनीहरुले सोही विधामा स्पर्धा गर्ने नेपाल शारीरिक सुगठन तथा फिटनेश संघका उपाध्यक्ष दिनेश राजभण्डारीले जानकारी गराए ।

साथै भाद्र २६ देखि असोज १, सम्म Hohot City Inter Mongolia, China मा हुुने 53^rd Asian Bodybuilding and Physique Sports Championships 2019 मा शारीरिक सुगठन प्रतियोगितामा तीन जना, पुरुष स्पोर्टस फिजिक्स तथा महिला एथलेटिक्स फिजिक्समा चार जना र पुरुष एथलेटिक्स फिजिक्समा दुई जना तथा दुई अफिसियल र दुई निर्णायकहरु गरी जम्मा १३ जनाले सहभागिता जनाउने संघद्वारा जारी बिज्ञप्तीमा उल्लेख छ ।

प्रकाशित मिति: बिहीबार, साउन ९, २०७६ ०७:०७