इनोभेटिभ र स्वप्न वाटिका फाइनलमा

राखेप/एनओसी

Home
राखेप/एनओसी
इनोभेटिभ र स्वप्न वाटिका फाइनलमा

इनोभेटिभ र स्वप्न वाटिका फाइनलमा

खेलकुद मञ्‍च सोमबार, भदौ २३, २०७६

काठमाडौं, भाद्र २३ । इनोभेटिभ र स्वप्न वाटिका १०औँ प्याब्सन मध्य क्षेत्रीय बास्केटबल प्रतियोगिताको सिनियर गल्र्समा आइतबार फाइनलमा प्रवेश गरेका छन् । इनोभेटिभले एसियन पब्लिकलाई ३९–२० ले पराजित गर्यो ।

इनोभेटिभकी सभ्यता महर्जनले २० अंक जोडिन् । स्वप्न वाटिकाले काठमाडौं जेभियरलाई २३–१३ ले हरायो । स्वप्न वाटिकाकी सम्झना शाहीले ७ स्कोर गरिन् । प्याब्सन मध्य क्षेत्रीय समिति, काठमाडौंद्वारा आयोजित प्रतियोगिताको सिनियर ब्वाइजमा न्यु समिट र काठमाडौं जेभियर उपाधिका लागि भिड्ने छन् । न्यु समिटले स्पाङगेलको चुनौती ६४–५० ले पाखा लगायो । न्यु समिटका राहुल शर्मा र सशांक महर्जनले समान २७–२७ अंक जोडे । स्पाङगेलका रोहित बलामीले ३७ स्कोर गरेपनि जितका लागि पर्याप्त रहेन ।

काठमाडौं जेभियरले एसियनमाथि ६०–५२ को जित दर्ता गर्यो । काठमाडौं जेभियरका रोहन दासले १९ अंक बटुले । शंखमूलस्थित अवेरनेस इन्टरनेसनल एकेडेमी (एआईए)मा भइरहेको प्रतियोगिताको जुनियर ब्वाइजमा एसियन र स्वप्न वाटिका फाइनलमा पुगे । एसियनले हेम्सलाई १६–१० ले पन्छायो । एसियनका अनुपम ऐरले ६ अंक जोडे । स्वप्न वाटिकाले चैतन्यलाई १८–१० ले पराजित गर्यो । स्वप्न वाटिकाका अश्विक केसीले ५ स्कोर गरे । फाइनल सोमबार हुँदैछ ।

प्रकाशित मिति: सोमबार, भदौ २३, २०७६ ०६:०९