पोखरामा खेलाडीहरुको सागलक्षित शुभकामना र्याली

राखेप/एनओसी

Home
राखेप/एनओसी
पोखरामा खेलाडीहरुको सागलक्षित शुभकामना र्याली

पोखरामा खेलाडीहरुको सागलक्षित शुभकामना र्याली

पोखरा, असोज १३ । नेपालमा आयोजना हुने १३औँ दक्षिण एसियाली खेलकुल (साग)को प्रचार प्रसारसँगै साग सफलताका लागि खेलाडीहरुले आइतबार शुभकामना र्याली निकालेका छन् । पश्चिमाञ्चल क्षेत्रीय खेलकुद बिकास समिती र कास्की जिल्ला खेलकुद बिकास समितीको संयुक्त आयोजनामा भएको बाजा गाजा र १३औँ सागको ब्यानरसहित पोखरा रंगशालाबाट निस्किएको र्याली विन्द्ययवाशिनी मन्दिर पुगेर सम्पन्न भएको थियो ।

उक्त र्यालीले सागको भव्य सफलताको कामना गरेको थियो । नेपालीहरुको महान पर्व बडा दशैं घटस्थापनाको दिन पारेर पोखरामा बन्द प्रशिक्षणमा रहेका ह्याण्डबल खेलाडीलगायत अन्य खेलका खेलाडी प्रशिक्षक र पदाधिकारीहरु र्यालीमा सहभागी भएका थिए ।

उक्त र्याली पोखरा रंगशाला, पृथ्वीचोक, न्यूरोड, गणेशटोल, मोहरिया टोल हुँदै विन्द्यवाशिनी मन्दिर पुगेर सम्पन्न भएको थियो । र्यालीको नेतृत्व राष्ट्रिय खेलकुद परिषदका सदस्य राजेश गुरुङले गरेका थिए ।

प्रकाशित मिति: सोमबार, असोज १३, २०७६ ०८:०९

प्रतिक्रिया दिनुहोस्