१३औँ सागः स्क्वासमा भारत र पाकिस्तान फाइनलमा

राखेप/एनओसी

Home
राखेप/एनओसी
१३औँ सागः स्क्वासमा भारत र पाकिस्तान फाइनलमा

१३औँ सागः स्क्वासमा भारत र पाकिस्तान फाइनलमा

खेलकुद मञ्‍च 2076-08-22

काठमाडौं, मंसिर २२ । पाकिस्तानका तयब अस्लम र भारतका हरिन्दर सिंह १३औँ दक्षिण एसियाली खेलकुद(साग)मा स्क्वासको पुरुषततर्फ एकलतर्फ फाइनल पुगेका छन् । सातदोबाटोस्थित नेपाल स्क्वास र्याकेट संघको हलमा शनिबार भएका सेमिफाइनल खेलमा अस्लमले भारत र हरिन्दरले पाकिस्तानी खेलाडीलाई हराउँदै स्वर्णको प्रतिस्पर्धा तग गरेका हुन् ।

सेमिफाइनलमा भारतका अभय सिंहलाई ६–११,११–४, १२–१४, १२–१० र ११–७ ले हराउँदै अस्लम फाइनल पुगेका थिए । हरिन्दरले पनि सेमिफाइनलमा पाकिस्तानका मेहबुब फरहानलाई ९–११, ११–८, ६–११, ११–८ र ११–९ ले हराउँदै फाइनलमा पुगेका थिए । महिला एकलतर्फ भने भारतकै दुई खेलाडीले सेमिफाइनलमा पाकिस्तानी प्रतिद्वन्द्वीलाई स्तब्ध बनाउँदै फाइनल अगाबै आफ्नो राष्ट्रलाई स्वर्ण सुरक्षित गराएका छन् । पहिलो सेमिफाइनलमा भारतकी सुनयना कुरुभिल्लाले पाकिस्तानकी फैजा जफरलाई ९–११,११–६, ११–० र ११–५ ले हराउँदै स्वर्ण प्रतिस्पर्धाको यात्रा तय गरेका थिइन् ।

अर्को सेमिफाइनलमा पनि भारतकै तान्भी खन्नाले पनि पाकिस्तानकी मदिना जफरलाई १२–१०, ११–६ र ११–७ ले हराउँदै फाइनलमा स्थान बनाएकी थिइन् । पुरुष र महिलाको फाइनल प्रतिस्पर्धा आइतबार नै हुनेछन । आइतबारदेखि पुरुष र महिलाको टिम स्पर्धामा पनि प्रतिस्पर्धा हुनेछ ।

प्रकाशित मिति: आइतबार, मंसिर २२, २०७६ १२:१२