एकै प्रकृतिका संघलाई मर्ज गर्न निर्देशन

राखेप/एनओसी

Home
राखेप/एनओसी
एकै प्रकृतिका संघलाई मर्ज गर्न निर्देशन

एकै प्रकृतिका संघलाई मर्ज गर्न निर्देशन

खेलकुद मञ्‍च 2077-8-27

काठमाडौं, मंसिर २७ । युवा तथा खेलकुद मन्त्रालयबाट गठित विवाद समस्या समाधान तथा सहजिकरण समितिले एउटै प्रकृतिका संघहरुलाई एउटै संस्था बनाएर खेलकुदको विकासमा भूमिका निर्वाह गर्न निर्देशन गर्ने भएको छ । राष्ट्रिय खेलकुद परिषद्(राखेप)का उपाध्यक्ष शिव कोईराला संयोजक रहेको समितिको मंसिर २५ गते बसेको पहिलो बैठकले उक्त निर्णय गरेको हो ।

राखेपमा दर्ता भएका कतिपय संघहरु एउटै प्रकृतिका र खेलाइने नियम पनि एउटै रहेको जनाइएको छ । समितिले अन्तरिक विवादमा रहेका संघलाई पनि यथासिघ्र विवाद सामाधान गरी खेलकुद विकास ऐन २०७७ तथा सम्बन्धित संघको ऐन अनुसार कार्यान्वयनमा आउन निर्देशन गर्ने भएको छ । संयोजक कोईरालाको अध्यक्षतामा बसेको बैठकले समितिको कार्य संचालन विधि(टीओआर) तयार गर्ने निर्णय गरेको छ । संघहरुमा बेलाबखत देखिने नितिगत व्यवस्थापकीय तथा अन्य समस्याहरुलाई दीर्घकालीन रुपमा सामाधान गर्न रणनीति तयार गर्ने निर्णय गरेको छ । युवा तथा खेलकुद मन्त्रीस्तरीय निर्णय अनुसार मंसिर २२ गते गठित समितिमा संयोजक कोईराला लगायत सात सदस्य टिमको सदस्यहरुमा युवा तथा खेलकुद मन्त्रालय, खेलकुद महा शाखा, राखेप सदस्यद्वय गोबिन्द भट्राई, पुरेन्द्रबिक्रम लाखे, नन्दा बस्याल, राखेप कानुन शाखा प्रमुख नारायणराज अर्याल र सचिवमा राखेप संघसंस्था प्रमुख इन्द्रबहादुर कार्की रहेका छन् ।

प्रकाशित मिति: शनिबार, मंसिर २७, २०७७ १३:१२