फिफा महिला विश्वकपमा न्युजिल्यान्डको विजयी सुरुआत

अन्तर्राष्ट्रिय

Home
अन्तर्राष्ट्रिय
फिफा महिला विश्वकपमा न्युजिल्यान्डको विजयी सुरुआत

फिफा महिला विश्वकपमा न्युजिल्यान्डको विजयी सुरुआत

काठमाडौं । आयोजक न्युजिल्याण्डले फिफा महिला विश्वकप फुटबल-२०२३ मा विजयी सुरुआत गरेको छ । न्युजिल्यान्डको अकल्यान्डस्थित इडेन पार्क रंगशालामा बिहीबार भएको उद्घाटन खेलमा नर्वेलाई १-० गोल अन्तरले हराउँदै न्युजिल्याण्डले सुखद सुरुआत गरेको हो ।

घरेलु टोली न्युजिल्याण्डको जितमा हानह विल्किन्सनले निर्णायक गोल गरिन् । पहिलो हाफ गोल रहित बराबरीमा सकिएको खेलमा हानह विल्किन्सनले खेलको ४८ औं मिनेटमा गोल गर्न सफल भएकी थिइन् ।

जितसँगै समूह 'ए' को आयोजक न्युजिल्याण्डले तीन अंक जोडेको छ । पहिलो खेलमै नर्वेले हारबाट प्रतियोगिताको सुरुआत गरेको छ । समूह 'ए' मा न्युजिल्यान्ड र नर्वेसँगै फिलिपिन्स र स्विट्जरल्यान्ड रहेका छन् ।

अस्ट्रेलिया र न्युजिल्यान्डमा संयुक्त रूपमा आयोजना हुने प्रतियोगितामा कुल ३२ टिमको सहभागिता छ । जसलाई प्रत्येक समूहमा चार टिम रहने गरी आठ समूहमा विभाजन गरिएको छ । प्रतियोगिता करिब एक महिनासम्म चल्नेछ ।

प्रकाशित मिति: बिहीबार, साउन ४, २०८० २०:५०