नेपाललाई भारतले दियो २ सय ३ रनको विशाल लक्ष्य

क्रिकेट

Home
क्रिकेट
नेपाललाई भारतले दियो २ सय ३ रनको विशाल लक्ष्य

नेपाललाई भारतले दियो २ सय ३ रनको विशाल लक्ष्य

खेलकुद मञ्‍च मंगलबार, असोज १६, २०८०

काठमाडौं । एसियन गेम्सको पुरुष टि-२० अन्तर्राष्ट्रिय क्रिकेटमा भारतले नेपाललाई २ सय ३ रनको लक्ष्य प्रस्तुत गरेको छ । जिझाङ युनिर्भसिटि क्रिकेट मैदानमा भएको पहिलो क्वार्टरफाइनल खेलमा टस जितेर ब्याटिङ गरेको भारतले निर्धारित २० ओभरमा ४ विकेट गुमाएर २ सय २ रन बनाएको हो ।

भारतका लागि ओपनर यजश्वी जैशवाल सतक बनाउँदै आउट भएका थिए । जैशवालले ४९ बलमा ८ चौका र ७ छक्का प्रहार गर्दै सतक बनाएका थिए । त्यस्तै रिंकु सिंह ३७ रनमा र शिभम दुवे २५ रनमा अविजित रहेका थिए ।

भारतका कप्तान ऋतुराज गैकवाड २३ बलमा ४ चौकासहित २५ रनमा आउट भएका थिए । तिलक बर्मालाई सोमपाल कामीले १२ औं ओभरको चौथो बलमा २ रनमा बोल्ड आउट गरेका थिए । जितेश शर्मा सन्दीप लामिछानेको १३ औं ओभरको पाँचौं बलमा पाँच रनमा बोल्ड आउट भएका थिए ।

नेपालका लागि दीपेन्द्रसिंह ऐेरीले ४ ओभरमा ३१ रन खर्चेर २ विकेट लिएका थिए । सोमपाल कामी र सन्दिप लामिछानेले समान १/१ विकेट लिएका थिए । माल्दिभ्सविरुद्ध ६ विकेट लिएका अभिनाश बोहराले ४ ओभरमा ५३ रन खर्चिए ।