एसियाडमा एथलेटिक्सका पुष्पा र राजनको औसत प्रदर्शन

अन्तर्राष्ट्रिय

Home
अन्तर्राष्ट्रिय
एसियाडमा एथलेटिक्सका पुष्पा र राजनको औसत प्रदर्शन

एसियाडमा एथलेटिक्सका पुष्पा र राजनको औसत प्रदर्शन

खेलकुद मञ्‍च शुक्रबार, असोज १९, २०८०

काठमाडौं । हानझाओमा जारी १९ औं एसियाली खेलकुद अन्तर्गत एथलेटिक्सको म्याराथनमा नेपालबाट बिहीबार पुष्पा भण्डारी र राजन रोकायाले औसत प्रदर्शन गरेका छन् । पुरुषमा राजन समग्रमा १४ औं स्थानमा रहे । राजनले निर्धारित दूरी पूरा गर्न २ घण्टा २३ मिनेट १७ सेकेन्ड समय खर्चेका थिए ।

१८ खेलाडी सहभागी भएकोमा साउदी अरबीया र किर्गिस्तानका खेलाडीले दौड पूरा गरेनन् । चीनका जि हेले २ घण्टा १३ मिनेट ०२ सेकेन्डमा दौड पूरा गर्दै स्वर्ण जिते । महिलामा पुष्पाले निर्धारित दूरी ३ घण्टा ०२ मिनेट ३७ सेकेन्डमा सकाइन् । १७ खेलाडी सहभागी दौडमा पुष्पाले १६ औं स्थानमा दौड टुंगाइन् ।

बहराइनकी जिसा मोकानिन् डेसीले दौड पूरा गर्न सकिनन् । बहराइनकै पाउल छुम्बा युनिस छेबिचीले पहिलो स्थान हात पार्ने क्रममा २ घण्टा २६ मिनेट १४ सेकेन्डको समय निकालिन् । म्याराथनको समापनसंगै एथलेटिक्समा नेपालको चुनौती समाप्त भएको छ ।

एसियाडमा कुस्तीकी दुवे पराजित

एसियन गेम्स अन्तर्गत कुस्तीमा नेपालकी सुवाङ्गी दुवे पराजित भएकी छन् । लिनान् स्पोर्ट्स कल्चर एन्ड एक्जिबिसन सेन्टरमा भएको महिला ५७ केजीको पहिलो चरणको खेलमा थाइल्यान्डकी श्रृपाराले सुवाङ्गीलाई ८–० ले पराजित गरिन् । पहिलो राउन्डमा श्रृपाराले ८–० अंक जोडिन् भने दोश्रोमा दुवैले अंक बटुल्न सकेनन् ।

प्रकाशित मिति: शुक्रबार, असोज १९, २०८० ०९:२०