अभिबृद्धि कार्यक्रमको उद्घाटन

राखेप/एनओसी

Home
राखेप/एनओसी
अभिबृद्धि कार्यक्रमको उद्घाटन

अभिबृद्धि कार्यक्रमको उद्घाटन

खेलकुद मञ्‍च 2079-3-28

काठमाडौं । राष्ट्रिय खेलकुद परिषद् (राखेप) द्वारा आयोजित राष्ट्रपति खेलकुद महिला सहभागिता अभिबृद्धि कार्यक्रमको सामेबार एक कार्यक्रमबीच उद्घाटन गरियो । अभिबृद्धि कार्यक्रमको युवा तथा खेलकुद मन्त्री महेश्वरजंग गहतराजले एक कार्यक्रमबीच उद्घाटन गरे।

सो अवसरमा मानव बेचविखन विरुद्ध आवाज उठाउदै आएकी चरीमाया तामाङ र १५ वर्षको उमेरमा एसिड आक्रमणमा परी घाइते भएकी मुस्कान खातुनको साहसको कदर गर्दै राखेपले सम्मान गरेको थियो । सोमबार काठमाडौं, ललितपुर र भक्तपुरका विद्यार्थीका लागि आत्मरक्षा सम्बन्धी तालिम पनि दिइएको थियो । कार्यक्रममा उपत्यकाका ३ सहित २१ जिल्लामा सञ्चालन गरिने छ ।

कार्यक्रममा कक्षा ८ देखि १२ सम्म अध्ययनरत करिब ४ हजार छात्राको सहभागिता रहने खेलकुद प्रतियोगिता तथा योजना विभागका प्रमुख मिनकुमार शर्माले जनाएका छन् । प्रशिक्षार्थीहरुलाई नेपाल केआईएफ कुरोदय संघ र नेपाल मार्सल सेल्फ डिफेन्स संघले आत्मरक्षा सम्बन्धी तालिम दिने छन् ।

फुटबल, भलिबल, तेक्वान्दो, कराते र रग्बी खेलको प्रशिक्षण पनि दिइने छ । राखेपअन्तर्गत नेपाल खेलकुद विज्ञान प्रतिष्ठान (सान) का विज्ञहरुले मनोविज्ञान सम्बन्धी प्रशिक्षण दिने छन् । कार्यक्रम असार मसान्तसम्म सञ्चालन हुनेछ ।

प्रकाशित मिति: मंगलबार, असार २८, २०७९ ०७:०७