छानविन समितिले सदस्य सचिवलाई प्रतिवेदन बुझायो

राखेप/एनओसी

Home
राखेप/एनओसी
छानविन समितिले सदस्य सचिवलाई प्रतिवेदन बुझायो

छानविन समितिले सदस्य सचिवलाई प्रतिवेदन बुझायो

खेलकुद मञ्‍च 2079-4-16

काठमाडौं । नारायणी रङ्गशाला जग्गा मुआब्जा एवं सट्टापट्टा छानविन उपसमितीले सोमबार राष्ट्रिय खेलकुद परिषदका सदस्य सचिव समक्ष प्रतिवेदन बुझाएको छ । समितिका संयोजक राष्ट्रिय खेलकुद परिषद्का सदस्य मानदेव हजाराले सदस्य सचिव समक्ष प्रतिवेदन बुझाएका हुन् ।

राष्ट्रिय खेलकुद परिषद्ले नारायणी रङ्गशाला भित्र आफ्नो जग्गा परेको भनि विभिन्न ब्यक्तिहरुले उक्त जग्गाको उचित मुआब्जा वा सट्टापट्टा माग गरेकोमा राष्ट्रिय खेलकुद परिषद्को ९३ औं बोर्ड बैठकबाट उपरोक्त जग्गाहरु सट्टापट्टा गर्ने निर्णय भए बमोजिम उक्त जग्गाको मुआब्जा वा जग्गा बराबरको सट्टापट्टा गर्न जग्गाधनीहरु संग आवश्यक छलफल र वार्ता गरि सम्वन्धित निकाय संग आवश्यक समन्वय गरि ठोस प्रस्ताव सहित १५ दिन भित्र परिषद् समक्ष प्रतिवेदन पेश गर्न राखेपका सदस्य मानदेव हजाराको संयोजकत्वमा मध्यमाञ्चल क्षेत्रीय खेलकुद विकास समितिका प्रमुख महम्मद जियाउल स्लाम सदस्य रहने गरि मिति २०७९ आषाढ ६ को निर्णयानुसार २ सदस्यि नारायणी रङ्गशाला जग्गा मुआब्जा एवं सट्टापट्टा छानविन उपसमिती गठन गरेको थियो ।

प्रकाशित मिति: सोमबार, साउन १६, २०७९ १७:०८