नवौं राष्ट्रिय खेलकुद निर्धारित मितिमै हुन्छः राखेप सदस्य सचिव घिसिङ

राखेप/एनओसी

Home
राखेप/एनओसी
नवौं राष्ट्रिय खेलकुद निर्धारित मितिमै हुन्छः राखेप सदस्य सचिव घिसिङ

नवौं राष्ट्रिय खेलकुद निर्धारित मितिमै हुन्छः राखेप सदस्य सचिव घिसिङ

खेलकुद मञ्‍च 2079-4-23

पोखरा । आसन्न नवौं राष्ट्रिय खेलकुद प्रतियोगिता सफल बनाउन गण्डकी प्रदेशका मुख्यमन्त्री चन्द्र नेपाली पोखरेल र पोखरा महानगरपालिकाका मेयर धनराज आचार्यले प्रतिबद्धता जनाएका छन् ।

राष्ट्रिय खेलकुद परिषद (राखेप) का सदस्यसचिव टंकलाल घिसिङले सोमबार पोखरामा आयोजित पत्रकार सम्मेलनमा मुख्यमन्त्री चन्द्र नेपाली पोखरेल र मेयर धनराज आचार्यले आसन्न नवौं राष्ट्रिय खेलकुद प्रतियोगिता सफल बनाउन पूर्ण सहयोग गर्ने प्रतिबद्धता जनाएको जनाकारी दिएका हुन् ।

सदस्यसचिव घिसिङले आइतबार मेयर आचार्यले भेटको क्रममा नवौंलाई सफल बनाउन महानगरपालिकाले आवश्यक बजेट छुट्याइसकेको र प्रतियोगितालाई सफल बनाउन कुनै कसर बाँकी नराख्ने जनाएको बारेमा जानकारी गराएका छन् ।

यस्तै मुख्यमन्त्री पोखरेलले घिसिङलाई गण्डकी प्रदेशको खेलाडी छनौट र आवश्यक तयारीका लागि गण्डकी प्रदेश युवा तथा खेलकुद मन्त्रालयसँगको सहकार्यमा बजेट निर्धारण भइसकेको समेत जानकरी गराएका छन् ।

यसबाहेक घिसिङसँगको भेटमा मुख्यमन्त्री पोखरेलले प्रदशे सरकारको तर्फबाट नवौंलाई सफल बनाउन अन्य तयारीमा छलफल तिव्र गतिमा अघि बढीरहेको समेत प्रतिद्धता जाहेर गरेका छन् । नवौं राष्ट्रिय खेलकुद प्रतियोगिता गण्डकी प्रदेशमा असोज २८ देखि कार्तिक ३ गतेसम्म आयोजना हुँदैछ । प्रतियोगितामा ३६ वटा खेलहरुलाई समावेश गरिएको छ भने २ वटा खेललाई प्रदर्शनी खेलको रुपमा राखिएकोे छ ।

प्रकाशित मिति: सोमबार, साउन २३, २०७९ १९:०८