एमबाप्पेको ह्याट्रिकमा पीएसजीको शानदार जीत

अन्तर्राष्ट्रिय

Home
अन्तर्राष्ट्रिय
एमबाप्पेको ह्याट्रिकमा पीएसजीको शानदार जीत

एमबाप्पेको ह्याट्रिकमा पीएसजीको शानदार जीत

खेलकुद मञ्‍च 2079-5-6

काठमाडौं । फ्रेन्च लिग वान फुटबलमा पेरिस सेन्ट जर्मेइन (पीएसजी)ले शानदार जीत गरेको छ । आइतबार राति भएको खेलमा पीएसजीले लिललाई ७-१ गोल अन्तरले हराएको हो । पीएसजीलाई जित दिलाउन २३ वर्षीय एमबाप्पेले ह्याट्रिक गरे ।

पहिलो मिनेटमै एम्बाप्पेले गोल गर्दै पीएसजीलाई अग्रता दिलाएका थिए । २७ औं मिनेटमा लियोनल मेस्सीले गोल गर्दै अग्रता दोब्बर बनाए । ३९ औं मिनेटमा आर्चिफ हकिमीले गोल गरेपछि पीएसजी ३–० ले अघि बढेको थियो ।

४३ औं मिनेटमा नेयमारले गोल गर्दै पहिलो हाफमै पीएसजीलाई ४–० को अवस्थामा राखेका थिए । ५२ औं मिनेटमा नेयमारले व्यक्तिगत दोस्रो तथा टिमका लागि पाँचौं गोल गरेका थिए । ५४ औं मिनेटमा जोनाथन बाम्बाले १ गेल फर्काए पछि लिल ५–१ को अवस्थामा आएको थियो ।

६६ औं मिनेटमा दोस्रो तथा ८७ औं मिनेटमा तेस्रो गोल गर्दै एम्बाप्पेले ह्याट्रिक पूरा गर्दा पीएसजी ७–१ गोल अन्तरले विजयी भयो । जोनाथन बाम्बाले ५४औँ मिनेटमा गरेको गोल लिलका लागि सान्त्वना बन्यो ।

पीएसजीले मात्र तीन खेलमा १७ गोल गरिसकेको छ । नान्टेसलाई ४–० ले हराउँदै सुपर कपको उपाधि जितेको पीएसजीले लिगमा शतप्रतिशत नतिजा निकालेको छ । तीन खेलबाट नौ अंक जोडेको पीएसजी अंक तालिकाको शीर्ष स्थानमा रहेको छ ।

प्रकाशित मिति: सोमबार, भदौ ६, २०७९ ०९:०८