साबा महिला च्याम्पियनसिप : माल्दिभ्ससँग नेपाल पराजित

अन्तर्राष्ट्रिय

Home
अन्तर्राष्ट्रिय
साबा महिला च्याम्पियनसिप : माल्दिभ्ससँग नेपाल पराजित

साबा महिला च्याम्पियनसिप : माल्दिभ्ससँग नेपाल पराजित

खेलकुद मञ्‍च 2079-6-10

काठमाडौं । साबा महिला च्याम्पियनसिपमा नेपाली महिला बास्केटबल टोली आइतबार राति आयोजक माल्दिभ्ससँग ५१–४७ ले पराजित भएको छ । माल्दिभ्सको मालेस्थित सोसियल सेन्टर इन्डोर हलमा उद्घाटन खेल पराजित भएपछि उपाधि जित्ने लक्ष्य रहेकाे नेपाललाई सुरुमै धक्का लागेकाे छ ।

नेपाल सुरुको दुई क्वार्टरमा पछि परेको थियो । तेस्रो क्वार्टरमा पुगेर २ अंकको अग्रता लिन सफल भएको थियो । रोमान्चक बनेको खेलमा चौथो क्वार्टरमा पनि नेपाल अन्तिम अवस्थामा पछि परेपछि पराजित भएको थियो ।

दक्षिण एसियाका ४ राष्ट्रले प्रतिस्पर्धा गरेको प्रतियोगिता राउन्ड रोविन लिगमा खेलाइएको छ । प्रतियोगिताको दोस्रो खेलमा नेपालले श्रीलंकासँग मंगलबार र अन्तिम खेलमा भुटानसँग बुधबार खेल्नेछ ।

प्रतियोगिताका लागि १३ खेलाडीसहित १५ सदस्यीय नेपाली टोली शुक्रबार माल्दिभ्स गएको थियो । सदिना श्रेष्ठको कप्तानीमा रहेको टोलीको प्रशिक्षकमा विकास शाही र व्यवस्थापकमा निरञ्जन सत्याल छन् ।

प्रकाशित मिति: सोमबार, असोज १०, २०७९ ०९:०९