टि-२० विश्वकप : भारतलाई १० विकेटले हराउँदै इंग्ल्यान्ड फाइनलमा

अन्तर्राष्ट्रिय

Home
अन्तर्राष्ट्रिय
टि-२० विश्वकप : भारतलाई १० विकेटले हराउँदै इंग्ल्यान्ड फाइनलमा

टि-२० विश्वकप : भारतलाई १० विकेटले हराउँदै इंग्ल्यान्ड फाइनलमा

खेलकुद मञ्‍च 2079-7-24

काठमाडौं । अष्ट्रेलियामा जारी आईसीसी पुरुष टि-२० विश्वकप २०२२ काे दाेस्राे सेमिफाइनलमा भारतलाई हराउदै इंग्ल्यान्ड फाइनलमा पुगेकाे छ । बिहीबार भएको दोस्रो सेमिफाइनलमा भारतलाई १० विकेटले हराउँदै इंग्ल्यान्डले फाइनलमा स्थान बनाएको हो ।

भारतले दिएको १ सय सय ६९ रनको लक्ष्य इंग्ल्यान्डले १६ ओभरमा बिना विकेटको क्षतिमा १ सय ७० रन बनाउँदै पूरा गर्यो । इंग्ल्यान्डको जितमा ओपनरद्वय जोस बट्लर र एलेक्स हालेसले कीर्तिमानी साझेदारी गरे । अर्धशतकीय इनिङ खेलेका एलेक्स ८६ रनमा अविजित रहे । कप्तान बल्टर अर्धशतकीय इनिङ खेल्दै ८० रनमा अविजित रहे ।

त्यसअघि टस हारेर पहिले ब्याटिङ गरेको भारतले २० ओभरमा ६ विकेट गुमाएर १ सय ६८ रन बनाएको थियो । लगातार विकेट गएपछि दवावमा परेकाे भारतले विराट काेहाेली हार्दिक पाण्डेयकाे अर्धशतकीय पारीले उक्त स्काेर खडा गर्न सफल भएकाे हाे ।

भारतका लागि हार्दिक पाण्डयले सर्वाधिक ६३ रनको अर्धशतकीय इनिङ खेले । यस्तै विराट कोहलीले ५० रनको अर्धशतकीय इनिङ खेले । कप्तान रोहित शर्माले २७ रन जोड्दा सूर्यकुमार यादव १४ रनमा आउट भए । ऋषव पन्त ६ र केएल राहुल ५ रनमा आउट भए । इंग्ल्यान्डका क्रिस जोर्डनले ३ विकेट लिए । क्रिस वोक्स र आदील राशिदले १/१ विकेट लिए ।

अब इंग्ल्यान्डले उपाधिका लागि पाकिस्तानसँग आइतबार प्रतिस्पर्धा गर्नेछ । इंग्ल्यान्ड टि-२० विश्वकपमा तेश्रो पटक फाइनल पुगेको हो । इंग्ल्यान्ड सन् २०१० तेश्रो संस्करण टि २० विश्वकप च्याम्पियन टोली हो । इंग्ल्यान्ड सन् २०१६ को टि २० विश्वकपको फाइनलमा वेस्टइन्डिजसँग पराजित भएको थियो ।