नयाँ इतिहास रच्ने दाउमा विश्वकप दाबेदार इंग्ल्याण्ड

WORLD CUP

Home
WORLD CUP
नयाँ इतिहास रच्ने दाउमा विश्वकप दाबेदार इंग्ल्याण्ड

नयाँ इतिहास रच्ने दाउमा विश्वकप दाबेदार इंग्ल्याण्ड

खेलकुद मञ्‍च बिहीबार, असार २१, २०७५

काठमाडाैं, २१ असार - विश्वकप २०१८ अन्तर्गत अन्तिम ८ का खेलहरू भाेलीबाट सुरू हुँदैछन् । अन्तिम ८ काे पहिलाे खेलमा दक्षिण अमेरीकि राष्ट्र उरूग्वेले युराेपेली राष्ट्र फ्रान्सकाे सामना गर्दैछ भने भोली नै हुने अर्काे खेलमा पनि दक्षिण अमेरिकी राष्ट्र ब्राजिलले युराेपियन राष्ट्र बेल्जियमकाे सामना गर्दैछ ।

त्यसै गरी शनिबार हुने अन्तिम ८ का खेलहरूमा भने इग्ल्याण्ड र स्वीडेन तथा रूस र क्रोएसिया अामने सामने हुँदै छन् ।

विश्वकपका अन्तिम ८ मा भिड्ने हरेक राष्ट्रहरू छुट्टा छुट्टै इतिहास रच्ने दाउमा हुनेछन् । यसै गरी विश्वकपकाे दाबेदार मानिएको राष्ट्र इग्ल्याण्ड पनि अन्तिम ८ काे खेल जित्दै इतिहास रच्ने दाउमा नै रहेकाे छ ।

इंग्ल्याण्ड सन् १९६६ काे विश्वकप विजेता राष्ट्र हाे । सन् १९६६ मा विश्वकपकाे फाइनल खेल खेले पछि इङ्गल्याण्डले कुनै विश्वकपकाे फाइनल खेल्ने माैका पाएकाे छैन । यदि शनिबार उसले स्वीडेनलार्इ हराएर अन्तिम ४ मा स्थान बनाएकाे खण्डमा उसकाे भेट क्राेएसिया वा रसियासँग हुनेछ ।

तुलनात्मक रूपमा क्राेएसिया र रसियालार्इ इङ्गल्याण्ड भन्दा कमजाेर राष्ट्रका रूपमा हेरिन्छ । अन्तिम ४ मा इङ्गल्याण्डले क्राेएसिया र रसियाकाे खेलकाे विजेतालार्इ हराउन सके इङ्गल्याण्ड ५० वर्ष पछि फिफा विश्वकपकाे फाइनलमा पुग्ने छ । याे सफलता इंग्ल्याण्डका लागि अाँफैमा एउटा इतिहास हुनेछ ।

प्रकाशित मिति: बिहीबार, असार २१, २०७५ १२:०७