बायर्नमाथि म्यानचेस्टर सिटीको सहज जित

अन्तर्राष्ट्रिय

Home
अन्तर्राष्ट्रिय
बायर्नमाथि म्यानचेस्टर सिटीको सहज जित

बायर्नमाथि म्यानचेस्टर सिटीको सहज जित

खेलकुद मञ्‍च 2079-12-29

काठमाडौं । म्यानचेस्टर सिटीले युइएफए च्याम्पियन्स लिग फुटबलको क्वाटरफाइनल अन्तर्गत पहिलो लेगमा सहज जित निकालेको छ । घरेलु मैदान इत्तिहाद रंगशालामा सिटीले मंगलबार राति भएको पहिलो लेगमा जर्मन क्लब बायर्न म्युनिखलाई ३-० गोल अन्तरले हराएको हो ।

इंग्लिस क्लब सिटीलाई सहज जित दिलाउन रोड्री, बर्नार्डो सिल्भा र अर्लिङ ब्राउट हालान्डले समान एक/एक गोल गरेका थिए । खेलको २७ औं मिनेटमा बर्नार्डो सिल्भाको पासमा रोड्रीले गोल गर्दै सिटीलाई सुरुआती अग्रता दिलाएका थिए ।

खेलको ७० औं मिनेटमा हालान्डको पासमा सिल्भाले गोल गर्दै सिटीको अग्रता दोब्बर बनाएका थिए । त्यसपछि, खेलको ७६ औं मिनेटमा जोन स्टोनको पासमा फरवार्ड हालान्डले कीर्तिमानी गोल गर्दै सिटीलाई ३-० को सहज जित दिलाएका थिए । अव दोस्रो लेग बायर्नको मैदानमा १९ अप्रिलमा हुनेछ ।

हालान्डको जारी सिजनमा सिटीबाट सबैखाले प्रतियोगितामा गरी यो ४५ औँ गोल हो । योसँगै २२ वर्षीय हालान्ड एकै सिजनमा सबैभन्दा धेरै गोल गर्ने इंग्लिस प्रिमियर लिगको खेलाडी बनेका छन् । हालान्डले ३९ खेलमा उक्त सफलता हासिल गरेका हुन् ।