क्रोएसिया: सानाे देश ठूलाे सपना

WORLD CUP

Home
WORLD CUP
क्रोएसिया: सानाे देश ठूलाे सपना

क्रोएसिया: सानाे देश ठूलाे सपना

काठमाडाैं, १ साउन – विश्वकप २०१८ काे पूर्ण रूपमा समापन भइसकेकाे छ । हरेक टाेली अा–अाफ्ना देश फर्किसकेका छन् । विश्वकप २०१८ काे फाइनल खेल जित्ने तथा पराजित हुने दुर्इ वटै टाेलिले अा– अाफ्ना देशमा प्रशंसककाे भव्य स्वागत समेत पाएका छन् ।

विश्वकप २०१८ काे सुरूवात देखि नै चमत्कार सुरू भए जस्तै भयाे । हरेक खेलमा अप्रत्याशित नतिजा अाए । साना मानिएका देशले ठूला मानिएका देशलार्इ बराबरीमा राेके भने कतिपय त हराउन पनि सफल भए । यसकाे गतिलाे उदाहरण विश्वकप २०१८ काे फाइनलिष्ट क्राेएसिया हाे ।

क्राेएसिया समूह चरणका सबै खेलमा जीत हात पार्दै अन्तिम १६ मा स्थान बनाउन सफल भयाे । समूह चरणकाे दाेश्राे खेलमा तुलनात्मक रूपमा बलियाे मानिएकाे टाेली अर्जेन्टिनालार्इ ३–० काे नमिठाे हार चखाउँदै क्राेएसियाले चमत्कार गर्याे ।

यसै गरी अन्तिम १६ मा डेनमार्क , अन्तिम ८ मा रूस तथा अन्तिम ४ वा सेमिफाइनलमा इंग्ल्याण्डलार्इ पराजित गर्दै फाइनलकाे यात्रा तय गर्न सफल भयाे । तर दुर्भाग्य फाइनल खेलमा क्राेएसिया फ्रान्ससँग ४–२ ले स्तब्ध भयाे ।

विश्वकप २०१८ काे अन्तिम समयमा फ्रान्स सानाे टाेलीकाे विश्वकप जित्ने ठूलाे सपनामा बाधक बन्यो । हुन पनि क्राेएसिया विश्वकपमा सन् १९३० पछि विशवकपकाे फाइनलमा पुग्ने दाेश्राे सानाे राष्ट्र हाे । जम्मा ४५ लाख जनसंख्या भएकाे क्राेएसियाकाे विश्वकप जित्ने सपना सबै भन्दा ठूलाे सपना नै हुनु पर्छ । जसलार्इ पुरा गर्न क्राेएसिया एक पाइला मात्र टाढा रह्याे ।

२४ वर्ष अघि फिफाले सार्वजनिक गरेको बरियतामा क्रममा क्रोएशिया १२५ औं स्थानमा रहेको थियो भने, नेपाल १२७ औं स्थानमा रहेको थियो। पछिल्लो समय गत जुनमा फिफाले सार्वजनिक गरेको बरियता क्रम अनुसार नेपाल १६१ औं स्थानमा रहेको छ। २४ वर्ष अगाडी नेपाल भन्दा २ स्थान मात्र माथि रहेको क्रोएशियाले भर्खरै सम्पन्न विश्वकपमा अत्यन्तै आकर्षक प्रदर्शन गर्दै दोश्रो स्थान हासिल गर्यो भने, अनौपचारिक रुपमा असंख्य फुटबल समर्थकको मन जित्यो। नेपालको फुटबल विकासलाई हेर्दा ओरालो लागेको देखिन्छ भने क्रोएशियाले ठूलो छलाङ मारि सकेको छ।

प्रकाशित मिति: मंगलबार, साउन १, २०७५ १४:०७