नेयमार, विश्व फुटबलमा तहल्का मच्चाउने विश्वकै महँगा खेलाडी

व्यक्तित्व

Home
व्यक्तित्व
नेयमार, विश्व फुटबलमा तहल्का मच्चाउने विश्वकै महँगा खेलाडी

नेयमार, विश्व फुटबलमा तहल्का मच्चाउने विश्वकै महँगा खेलाडी

खेलकुद मञ्‍च बुधबार, जेठ २३, २०७५

एजेन्सी – नेयमार डा सिल्भा संटोस जुनियरको जन्म ब्राजिलमा सन् १९९२ फेब्रुअरी ५ मा भएको हो। आफ्ना फुटबल टिमका खेलाडी तथा दर्शकदीर्घा माझ उनी नेयमारको नामले चिनिन्छन्।

उनी ब्राजिलियन खेलाडी हुन्। व्यावसायिक रुपमा हाल उनी पिएसजीमा अाबद्ध रहेका छन्। उनी २०१७मा स्पेनिस क्लब बार्सिलोना फुटबल क्लबबाट विश्व किर्तिमानी रकममा फ्रान्सेली क्लब पिएसजीमा बिक्री भएका हुन्। फरवार्ड, विंगरबाट खेल्न सक्ने क्षमता भएका नेयमार हाल उनी पिएसजीबाटै व्यवसायिक फुटबल खेल्ने गरेका छन्।

नेयमार सन् २०१३मा सान्टोसबाट एफसी बार्सिलोनामा अाबद्ध हुँदा विश्व फुटबलमा तहल्का मच्चिएको थियो। त्यस समय ५७ मिलियन युरो तिरेको बार्सिलोनाले क्लबमात्र नभएर नेयमारका पिता र ब्राजिलको केहि सरकारी कार्यालयमा समेत केहि रकम तिर्नुपरेको थियो। रियल म्याड्रिडले पनि उनलाई पछ्याईरहेको अवस्थमा बार्सिलोनाले मोटो रकम तिरेको थियो।

ब्राजिलियन फरवार्ड नेयमार फ्रान्सेली क्लब पेरिस सेन्ट जर्मेनसँगको लामो समयको हल्ला पछि उनी विश्व कीर्तिमानी रकममा पिएसजीमा अनुबन्ध भएका थिए।

प्रकाशित मिति: बुधबार, जेठ २३, २०७५ १७:०६