आठ टिमसहित एनबिएलको प्रथम संस्करण खेल हुने

कर्पोरेट खेलकुद

Home
कर्पोरेट खेलकुद
आठ टिमसहित एनबिएलको प्रथम संस्करण खेल हुने

आठ टिमसहित एनबिएलको प्रथम संस्करण खेल हुने

खेलकुद मञ्‍च बुधबार, साउन १०, २०८०

काठमाडौं । अक्टेभ दरबारमार्गमा बधुबार आयोजित एक कार्यक्रममा राष्ट्रिय बास्केटबल लिग (एनबिएल) नेपालको प्रथम संस्करण खेल्ने क्लबहरुको घोषणा भएको छ । नेपाल बास्केटबल संघ (नेबा)का अध्यक्ष भीमसिंह गुरुङको उपस्थितिमा एनबिएल नेपालको प्रथम संस्करण खेल्ने टिमहरुको घोषणा भएको हो ।

प्रथम संस्करणमा कूल आठ टिम सहभागी हुने छन् । सहभागी टिमहरुमा विशालमिलन केन्द्र, बुढानिलकण्ठ नगरपालिका बास्केटबल क्लब, गोल्डेनगेट बास्केटबल क्लब, हाउन्ड्स एकेडेमी, रोयल स्पोट्स सेन्ट्रल, टाइम्स क्लब, त्रिभुवन आर्मी क्लब र कीर्तिपुर बास्केटबल क्लब रहेका छन् ।

सम्पूर्ण सहभागी क्लबका प्रतिनिधिलाई समेत कार्यक्रममा सम्मान गर्दै लिगमा उत्कृष्ट प्रदर्शनको लागि नेपाल बास्केटबल संघका अध्यक्ष भीमसिंह गुरुङ, कान्तिपुर टेलिभिजनका प्रमुख कार्यकारी अधिकृत शिशिर पछाई, डिजिफ्लाईका सिईओ उकेश लोहनीले शुभकामना समेत दिएका थिए । नेपाल बास्केटबल संघको स्वीकृतिमा कान्तिपुर टेलिभिजन नेटवर्क र डिजिफ्लाइको संंयुक्त सहकार्यमा लिगको आयोजना गरिएको हो ।