काठमाडौं । राष्ट्रिय खेलकुद परिषद् (राखेप) द्वारा आयोजित १४औं केन्द्रीयस्तरीय अन्तर्गत एथलेटिक्सको अन्तिम दिन बिहीबार तीन नयाँ जुनियर राष्ट्रिय कीर्तिमान कायम भएको छ ।
त्रिपुरेश्वरस्थित दशरथ रंगशालामा सुदूरपश्चिम प्रदेशका आशिष महरले छात्र ट्रिपलजम्पमा १४.१९ मिटर जम्प गर्दैराष्ट्रिय कीर्तिमानसहित स्वर्ण जिते ।
आशिषले २०४४ सालमा धनवीर चौधरीले बनाएको १४.०६ मिटरको कीर्तिमान तोडेका हुन् । प्रतियोयगिता स्थलमै रहेका धनवीरले आशिषलाई प्रोत्साहन स्वरुप नगद पनि प्रदान गरेका थिए । बागमती प्रदेशका विशाल गुरुङ रजत तथा लुम्बिनी प्रदेशका विजय थारु कांस्य पदक जिते ।
सो स्पर्धाको छात्रामा लुम्बिनीकी अनिशा थारुले १०.५७ मिटर जम्प गर्दै स्वर्ण चुमिन् । सुदूरपश्चिमकी रेनुका ऐरले रजत तथा बागमतीकी अपेक्षा महतोले कांस्य पदक हात पारे ।
छात्रा ३००० मिटर दौडमा सुदूरपश्चिमकी देवकीकुमारी धामीले जुनियर राष्ट्रिय कीर्तिमानसहित स्वर्ण पदक प्राप्त गरिन् । देवकीले निर्धारित दूरी १० मिनेट ५२.८२ सेकेन्डमा दौड पूरा गर्दै २०७५ सालमा राममाया बुढाले स्थापित गरेको १० मिनेट ५७.२ सेकेन्डको कीर्तिमान तोडिन् । लुम्बिनीकी गुञ्जा यादवले रजत तथा कर्णाली प्रदेशकी कल्पना बुढाले कास्य पदक जिते ।
उक्त स्पर्धाको छात्रमा कर्णाली प्रदेशका अजय विकले स्वर्ण जिते । उनले दूरी पूरा गर्न ९ मिनेट २४.२ सेकेन्ड समय लगाए । बागमतीका विश्वराम कुँवरले रजत तथा कर्णालीका अक्कल बडुवालले कांस्य हात पारे ।
छात्रा ४ गुणा ४०० मिटर रिलेमा भावना फर्साल, सरिता खड्का, हिमाली शाही र कृष्णा राना सम्मिलित कर्णाली टोलीले कीर्तिमानसहित स्वर्ण जिते । उक्त टोलीले निर्धारित दूरी ४ मिनेट १७.२ सेकेन्डमा पार गरे । यसअघि उक्त कीर्तिमान लुम्बिनीका अरुणा रिजाल, पूर्णिमा खड्का, पूजा चौधरी र करुणा रिजालको नाममा ४ मिनेट २३.८ सेकेन्डको कीर्तिमान थियो । लुम्बिनीले रजत तथा सुदूरपश्चिमले कांस्य पदक पाए । सोही स्पर्धाको छात्रमा सुदूरपश्चिमले स्वर्ण, मधेशले रजत र बागमतीले कांस्य पदक हात पारे ।
एथलेटिक्समा जम्मा पाँच जुनियर राष्ट्रिय कीर्तिमान बने । पहिलो दिन गण्डकीका गणेश विकले छात्र हाइजम्पमा १.८१ मिटर जम्प गर्दै जुनियर राष्ट्रिय कीर्तिमानसहित स्वर्ण जितेका थिए । दोश्रो दिन कर्णालीकी सरिता खड्काले छात्रा ८ सय मिटर दौड २ मिनेट २८.५ सेकेन्डमा पूरा गर्दै कीर्तिमान रचेकी थिइन् ।
बिहीबारै भएको सटपुटको छात्रमा कर्णालीका बालकुमार नकालले स्वर्ण जिते । उनले १२.९५ मिटर टाढा फाले । सुदूरपश्चिमका गणेश विकले रजत तथा लुम्बिनीका सुराज थापा कांस्य पदक हात पारे ।
सो स्पर्धाको छात्रामा सुदूरपश्चिमकी कृष्णा बमले १०.५७ मिटर टाढा फाल्दै स्वर्ण चुमिन् । सुदूरपश्चिमकै पूजा साउदले रजत तथा बागमतीकी एलिना विकले कांस्य पदक प्राप्त गरे ।
छात्रको २०० मिटर दौडमा मधेशका आदेशकुमार यादवले स्वर्ण प्राप्त गरे । उनले २२.८ सेकेन्ड समय खर्चे । सुदूरपश्चिमका चन्द्र बोहराले रजत तथा तथा बागमतीका सन्तबहादुर दराईले कांस्य पदक जिते
उक्त स्पर्धाको छात्रामा कोशी प्रदेशकी आरती चौधरीले निर्धारित दूरी २८.२ सेकेन्डमा पूरा गर्दै स्वर्ण जितिन् । सुदूरपश्चिमकी रितु जोशीले रजत तथा गण्डकीकी एन्जल अधिकारीले कांस्य पदक हात पारे ।
-1766834293.jpg)
-1766244925.jpg)
-1766233128.jpg)
-1766235198.JPG)
-1764256991.jpg)
-1764240941.jpg)
