ब्राजिलियन स्टार जेसस २०२३ सम्म सिटिमै रहने

अन्तर्राष्ट्रिय

Home
अन्तर्राष्ट्रिय
ब्राजिलियन स्टार जेसस २०२३ सम्म सिटिमै रहने

ब्राजिलियन स्टार जेसस २०२३ सम्म सिटिमै रहने

खेलकुद मञ्‍च शनिबार, साउन १९, २०७५

फाइल तस्वीर

काठमाडाैं , १९ साउन – ब्राजिलका युवा स्टार गाब्रियल जेससले इंग्लिस क्लब म्यानचेस्टर सिटीसँगको सम्झौता थप दुई वर्ष बढाएका छन् । प्रिमियर लिग च्याम्पियन सिटी र जेससबीच थप दुईवर्ष सम्झौता बढाउने सहमति भएको हो । जेसस अब सन् २०२३ सम्म सिटीमै रहने छन् । अघिल्लो वर्षमात्रै सिटीमा पुगेका जेससले २०२१ सम्म सम्झौता थियो ।

सिटीले अघिल्लो सिजन कीर्तिमानसहित लिग उपाधि जित्दा २१ वर्षे जेससले लिगका २९ खेलमा १३ गोल गरेका थिए । जेससले गत अफ्रिलमै सिटीसँग लामो सम्झौता गर्ने तयारी गरेका थिए । तर, यो समर ट्रामन्सफरमा मात्रै सम्भव भएको हो ।

जेससले क्लबसँगको सम्झौता थप्नु आफ्नो उत्कृष्ट निर्णय भएको बताएका छन् । ‘म सबै फ्यानहरुलाई धन्यवाद दिन चहान्छु । किन भने म उत्कृष्ट लिगको उत्कृष्ट क्लब म्यानचस्टर सिटीमा छु,’ उनले भनेका छन्,‘मैले यहाँ आफ्नो व्यक्तिगत र व्यवसायिक जीवनलाई क्रमश सुधार गरिहेको छु ।’

म्यानचेस्टर सिटीका निर्देशक छिकी ब्रिगिस्टेनले विश्व फुटबलमा जेसस उत्कृष्ट युवा फरवार्ड रहेको बताएका छन् । ‘जेससको खेलमा फरकपन छ । जेससले प्रशिक्षक पेप ग्वार्डिओलाको प्रशिक्षणमा सँग कसरी खेलिरहेका छन् । त्यो झनै उत्कृष्ट छ । म अझै उनको खेलमा सुधार आएको हेर्न चहान्छु ।’ निर्देशक छिकीले भनेका छन् ।

गत जुलाईमा रसिया सम्पन्न विश्वकपमा जेससलाई गोल्डेनबुटको दाबेदार मानिएपनि उनले पाँच खेलमा एक गोल गर्न पनि सकेका थिएनन् । उनको टोली क्वार्टरफाइनलमा बेल्जियमसँग २–१ ले पराजित हुदै घर फर्किएको थियो ।

प्रकाशित मिति: शनिबार, साउन १९, २०७५ ०८:०८