आरआर स्ववियु कप-२०८२ भदौमा हुँदै

शैक्षिक खेलकुद

Home
शैक्षिक खेलकुद
आरआर स्ववियु कप-२०८२ भदौमा हुँदै

आरआर स्ववियु कप-२०८२ भदौमा हुँदै

काठमाडौं । सम्पूर्ण विद्यार्थीहरु एक जुट होऔं’ भन्ने नारासहित स्वतन्त्र विद्यार्थी युनियन (स्ववियु) रत्न राज्यलक्ष्मी (आरआर) क्याम्पस कमिटिले भलिबल प्रतियोगिता आयोजना गर्ने भएको छ । ‘आरआर स्ववियु कप-२०८२’ अन्तर क्याम्पसस्तरिय राष्ट्रिय पुरुष भलिबल प्रतियोगिता आगामी भदौ २२ देखि २७ गतेसम्म आरआर क्याम्पसको प्राङ्गणमा हुने भएको हो ।

स्ववियु अध्यक्ष लोकेश कुमार खड्काका अनुसार ६ दिनसम्म सञ्चालन हुने प्रतियोगितामा देशभरका विभिन्न क्याम्पसका टोलीहरूले सहभागिता जनाउने छन् । उनले भलिबलको माध्यमबाट विद्यार्थीबीच आपसी सहकार्य, अनुशासन र एकता प्रवर्द्धन गर्ने उद्देश्यले देशभरबाट सहभागि हुने विश्वास व्यक्त गरे ।

प्रतियोगितामा विजेता टोलीले ३ लाख रुपैयाँ नगद, ट्रफी र प्रमाणपत्र प्राप्त गर्ने छ भने दोस्रो र तेस्रो हुने टोलीले क्रमशः २ लाख र १ लाख रुपैयाँसहित ट्रफी र प्रमाणपत्र प्राप्त गर्ने छन् । आरआर स्ववियु कप–२०८२ का लागि सहभागी टोलीहरूलाई २० हजार रुपैयाँ दर्ता शुल्क तोकिएको छ । इच्छुक टोलीहरूले आयोजकलाई सम्पर्क गर्न सक्ने छन् ।

विद्यार्थी आन्दोलनको ऐतिहासिक पृष्ठभूमिमा खेलकुदमार्फत विद्यार्थी एकताको सन्देश दिन खोजेको भन्दै सबै क्याम्पसका विद्यार्थीहरूलाई सहभागिताका लागि आह्वान गरिएको स्ववियु सचिव शैलेन्द्र उपाध्यायले बताए ।

प्रकाशित मिति: सोमबार, साउन १३, २०८२ १०:०१