काठमाडौं । हर्मित सिंहको अलराउन्डर प्रदर्शनप्रेरित साविक उपविजेता सुदूरपश्चिम रोयल्सले नेपाल प्रिमियर लिग (एनपीएल) सिजन–२ मा विजयी शुरूवात गरेको छ । बुधबार सम्पन्न खेलमा सुदूरपश्चिमले काठमाण्डु गोखार्जलाई २९ रनले पराजित गरेको हो ।
सुदूरपश्चिमले दिएको १ सय ४८ रनको विजयी लक्ष्य पछ्याएको काठमान्डु १६.५ ओभरमा १ सय १८ रन बनाउँदै अलआउट भयो । काठमान्डुका लागि ओपनर आकाश त्रिपाठीले ३० बलमा १ चौका र २ छक्कासहित सर्वाधिक ३४ रन बनाए ।
यसैगरी जोन सिमप्सोन २४ रन, मिलिन्द कुमार ११ रन र सन्नी पटेलले १० रनको योगदान दिँदा काठमान्डुका अन्य ब्याटरले दोहोरो अङ्कमा रन बनाउन सकेनन् ।
बलिङमा सुदूरपश्चिमका लागि स्कट कुग्गेलिजन, हेमन्त धामी र हर्मित सिंहले समान २/२ विकेट लिएका थिए । नरेन साउद, अविनाश बोहोरा र इशान पाण्डेले समान १/१ विकेट लिए ।
त्यसअघि, कीर्तिपुरको त्रिवि क्रिकेट मैदानमा टस हारेर ब्याटिङ गरेको सुदूरपश्चिमले निर्धारित २० ओभरमा सबै विकेट गुमाएर १ सय ४७ रन बनाएको थियो । सुदूरपश्चिमका लागि हर्मित सिंहले आक्रामक अर्धशतक प्रहार गरे । उनले २० बलमा २ चौका र ६ छक्कासहित ५३ रन बनाएका थिए ।
कप्तान दीपेन्द्रसिंह ऐरीले ३० बलमा ३ चौका र १ छक्कासहित ३९ रन बनाए । दीपेन्द्र र हर्मितले सातौं विकेटको लागि ६१ रनको साझेदारी गरेका थिए । यस्तै आरिफ शेख २५ रन, इसान पाण्डेले ११ रन बनाउदा अन्य ब्याटरले दोहोरो अंकमा रन बनाउन सकेनन् ।
बलिङमा काठमाण्डुका कप्तान करण केसीले ४ ओभरमा ३० रन खर्चेर सर्वाधिक ४ विकेट लिए । यसैगरी मिनिन्द कुमार, सन्नी पटेल र रसिद खानले समान २/२ विकेट लिएका थिए ।
-1763565247.JPG)
-1763558836.JPG)
-1763212170.JPG)
-1763299115.JPG)
-1761497521.jpg)
