राजन अन्तर्राष्ट्रिय लेभल वान प्रशिक्षक

विविध खेल

Home
विविध खेल
राजन अन्तर्राष्ट्रिय लेभल वान प्रशिक्षक

राजन अन्तर्राष्ट्रिय लेभल वान प्रशिक्षक

खेलकुद मञ्‍च बुधबार, फागुन ६, २०८२

काठमाडौं । तेक्वान्दोका अन्तर्राष्ट्रिय खेलाडी एवं निर्णायक राजन भण्डारीले लेभल वान कोचेज कोर्स उत्तीर्ण गरेका छन् । राजनले फेब्रुअरी १ देखि ७ तारिखसम्म वल्र्ड तेक्वान्दोले सञ्चालन गरेको अनलाइन लेभल वान कोचेज कोर्स उत्तीर्ण गरेका हुन् ।

विभिन्न राष्ट्रिय तथा अन्तर्राष्ट्रिय प्रतियोगितामा थुप्रै पदक जितेका उनले सन् २०२५ जनवरी १७ देखि २० तारिखमा भारतको पुणेमा सञ्चालन गरेको अन्तर्राष्ट्रिय रेफ्री कोर्स उत्तीर्ण गरेका थिए । राजनले ग्योरोगी रेफ्री कोर्स उत्तीर्ण गरेका थिए ।

उनले नेपालमा आयोजना भएका विभिन्न राष्ट्रिय तथा अन्तर्राष्ट्रिय प्रतियोगितामा निर्णायकको भूमिका निर्वाह गर्दै आएका छन् ।
उनले गत डिसेम्बर १ देखि ६ तारिखसम्म ललितपुरमा आयोजना भएको १३औं कोरियन एम्बेस्डर अन्तर्राष्ट्रिय तेक्वान्दो

च्याम्पियनसिपमा पनि निर्णायकको भूमिका निर्वाह गरेका थिए । ब्ल्याकबेल्ट चौथो डान राजन सीतापाइला तेक्वान्दो डोजाङ, ग्लोबल भ्याली स्कुल र गुरुकुलम स्कुलमा तेक्वान्दो प्रशिक्षकका रूपमा कार्यरत छन् ।

प्रकाशित मिति: बुधबार, फागुन ६, २०८२ २१:२२